Azərbaycan Mərkəzi Bankı “Mobile Payment Solutions” MMC-də keçirdiyi yerində yoxlama zamanı bir sıra qanunvericilik və normativ aktların tələblərinin pozulması hallarını aşkarlayıb.
"AzPolitika" bu barədə Mərkəzi Banka istinadən xəbər verir.
Aşkar edilmiş çatışmazlıqların aradan qaldırılması üçün şirkətə icrası məcburi olan göstərişlər verilib.
Təshih tədbirləri “Mərkəzi Bank haqqında” Qanunun 48.2.4-cü və “Ödəniş xidmətləri və ödəniş sistemləri haqqında” Qanunun 63.1-ci maddələrinə əsasən tətbiq olunub.
Qeyd edək ki, “Mobile Payment Solutions” “Portmanat” brendi altında fəaliyyət göstərir və 2024-cü ilin iyulunda elektron pul təşkilatı lisenziyası alıb.
Açıq reyestr məlumatlarına əsasən, “Mobile Payment Solutions” MMC 28 avqust 2012-ci ildə vergi uçotuna alınıb. Şirkətin VÖEN-i 1302997441-dir. Hüquqi ünvanı Bakı şəhəri, Yasamal rayonu, Tağı Şahbazi küçəsi, ev 3 ünvanında yerləşir. Cəmiyyətin nizamnamə kapitalı 857 min manatdır. Şirkətin qanuni təmsilçisi Vüsal Həsənov Mirzərahim oğludur.
Şərhlər