Menu

Şençjendə tarixi sammit: Putin, Si Cinpin və Trampın üçtərəfli görüşü başa çatdı

19.11.2026, 14:11
Şençjendə tarixi sammit: Putin, Si Cinpin və Trampın üçtərəfli görüşü başa çatdı

Çinin Şençjen şəhərində Rusiya Prezidenti Vladimir Putin, Çin Xalq Respublikasının Sədri Si Cinpin və ABŞ Prezidenti Donald Tramp arasında tarixdə ilk dəfə keçirilən üçtərəfli görüş yekunlaşıb.

“AzPolitika” xarici mediaya istinadla xəbər verir ki, Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində “Tsilin Şançjuan” dövlət iqamətgahında baş tutan danışıqlar təxminən 1 saat 30 dəqiqə davam edib.

Görüşün açılışında çıxış edən Donald Tramp dünyanın üç ən böyük nüvə gücünün liderlərinin bir araya gəlməsini “tarix yazmaq” adlandırıb. Çin lideri Si Cinpin sammitin qlobal miqyasda dönüş yaradan əhəmiyyətə malik olduğunu bildirib. Vladimir Putin isə İkinci Dünya müharibəsinin qalib dövlətləri kimi Rusiya, Çin və ABŞ-nin beynəlxalq sülh və təhlükəsizliyin qorunmasında birgə məsuliyyət daşıdığını vurğulayıb.

Məlumata görə, bağlı qapılar arxasında keçirilən danışıqlarda nüvə silahlarının azaldılması, Rusiya-Ukrayna müharibəsinin nizamlanması, İran və Yaxın Şərqdəki vəziyyət, həmçinin qlobal iqtisadi təhlükəsizlik məsələləri ətrafında fikir mübadiləsi aparılıb.

Qeyd edək ki, üçtərəfli sammitdən öncə ABŞ Prezidenti Donald Tramp həm Si Cinpinlə, həm də Vladimir Putinlə ayrı-ayrılıqda ikitərəfli görüşlər keçirib. Görüşlərin yekunu ilə bağlı rəsmi açıqlamaların yaxın saatlarda veriləcəyi gözlənilir.

Şərhlər

Telegram-da bizə qoşulun
Ən vacib xəbərlər birinci sizdə — pulsuz, reklamsız.
Abunə ol