Almaniya bildirir ki, Əfqanıstanda döyüşlərin vurduğu ziyana görə bu ölkəyə 1.1 milyon dollar (900 min avro) ödəyib.
Məlumatı dpa agentliyi yanvarın 25-də gördüyü bir hesabata əsasən yayıb.
Müdafiə Nazirliyinə aid bu rəqəm 2002-ci ilin əvvəlindən 2014-cü ilin avqustuna qədər olan dövrü əhatə edir.
Bu məbləğin yarıdan çoxu - 601 min dollar 2009-cu ilin sentyabrında Almaniyanın Kunduz vilayətində iki tankeri bombalamasına görə ödənib. Həmin hadisədə 100 nəfər ölüb. Hər ölənin ailəsinə 5 min dollar verilib.
503 min dollar heyvanların yaralanması və ya öldürülməsi, həmçinin mülkiyyətə ziyana görə ödənib.
Müdafiə Nazirliyi bu siyahını Die Linke partiyasından bundestaq üzvü Jan van Aken-in xahişi ilə hazırlayıb. (Azadlıq radiosu)
Şərhlər