Tunisdə mülki vətəndaşlara hücum etməyi planlaşdıran dəstə üzvləri həbs olunub
Ölkənin Daxili İşlər Nazirliyi anti-terror əməliyyatları zamanı 32 nəfərin saxlanıldığını bildirib. Şübhəlilər bir müddət əvvəl Suriyada hökumətə qarşı gedən döyüşlərdə iştirak ediblər. Onların bəziləri "əl-Qaidə" ilə əlaqəlidir.
“Anti-terror briqadası təhlükəsizlik qüvvələrinə qarşı planlaşdırılan hücumların qarşısını aldılar. Ordumuz terrorizmlə mübarizəyə tam hazırdır. Onlar indiyə qədər müxtəlif hücum planları hazırlayıblar. Lakin planları hökumətin ayıq-sayıqlığı nəticəsində baş tutmayıb” - deyə nazirlik rəsmisi Məhəmməd Əli Ərui bildirib.
Bu, Tunisdə yeni formalaşan hökumətin ilk irihəcmli anti-terror əməliyyatları olub.
Məlumata görə, Tunisdən indiyə qədər Suriya və İraqda döyüşlərə 3 mindən çox mücahid qatılıb.
Şərhlər