İordaniya hökuməti İraqla sərhədə 1000 əsgər yerləşdirib
İordaniya hökuməti İraqla sərhədə qoşun yeridib. ANS PRESS-in məlumatına görə, bu barədə NBC News telekanalı İordaniya hökumətindəki mənbəsinə istiandən xəbər yayıb.
Xəbərdə bildirilir ki, İraqla sərhədə 1000 əsgər yerləşdirilib. Qoşunun sərhədə cəmlənməsində məqsəd İŞİD-in İordaniyaya edə biləcəyi hücumun qarşısını almaqdan ibarətdir.
Məsələ ilə bağlı İordaniya hökuməti hələlik rəsmi açıqlama verməyib.
Xatırladaq ki, iordaniyalı pilotun yandırılması görüntüləri bir neçə gün öncə yayılıb. Bu görüntülərdən sonra İordaniya kralı İŞİD-la mübarizədə səylərini daha da gücləndirib və koalisiya qüvvələri tərəfindən terrorçuların sığınacaqları güclü bombardımana məruz qalıb.
Şərhlər