"Kişiliyi varsa, məni məhkəməyə versin"
“Hacıbaba Əzimov kommunist rejimindən namizədlik və doktorluq işlərini müdafiə etmişdi, sonra gəlib bu rejimin əleyhinə danışırdı. Belə adamdan və adamlardan, əlbəttə, siyasi lider ola bilməz. Bunların heç birində də siyasi liderlik elementləri görmürəm. Danışmaq, boşboğazlıq, intriqalar və sair görürəm belə adamlarda... Amma siyasi lider tamam başqa bir şeydir”.
Bunu Yeni Azərbaycan Partiyası (YAP) Siyasi Şurasının üzvü, parlamentin komitə sədri Hadi Rəcəbli istiqlalçı deputat, Vahid Azərbaycan Milli Birlik Partiyasının sədri Hacıbaba Əzimovun Açıq Cəmiyyət Partiyasının sədrliyinə gətirilə biləcəyi haqda deyilənləri şərh edərkən söyləyib. H.Rəcəbli H.Əzimovu dönük adam da adlandırıb.
H.Rəcəblinin bu ifadələrinə bərk qəzəblənən H.Əzimov virtualaz.org-a açıqlamasında onun ünvanına səsləndirilən bu sözlərə sərt cavab verib. H.Əzimov H.Rəcəblini vətənini, millətini satan yaltaq insan kimi tanıdığını bildirdi. “Bunlar həmişə Heydər Əliyevə yaltaqlıq ediblər. Mən bir dəfə də olsun Heydər Əliyev haqqında müsbət söz deməmişəm. Mənə dəfələrlə xəbər göndərilidi, sifariş olundu ki, bir cümlə deyim. Mən dedim ki, deyə bilmərəm. Amma Heydər Əliyevə hörmətim olub. Qaldı ki Hadı Rəcəbliyə, o, Ələkrəm Hümbətovçudur, onun adamıdır. O, bu millətin düşmənidir. İmkan tapıb seçkiqabağı özünü reklam edir. Onun dərsini daha ciddi şəkildə verəcəm”.
Şərhlər