BAŞ REDAKTOR İSTİNTAQ İDARƏSİNƏ ÇAĞIRILDI - Səbəb
“Strateq.az” saytının təsisçisi və baş redaktoru Elxan Şükürlü bu gün Baş Prokurorluğun Ağır Cinayətlərə Dair İstintaq İdarəsinə çağrılıb.
“AzPolitika.info”ya açıqlamasında E.Şükürlü deyib ki, çağrılmasına səbəb 2017-ci ildə rəhbərlik etdiyi saytda digər informasiya resurslarına istinadla getmiş bir yazı olub.
E. Şükürlü istintaq sirrini yaymamaq üçün söhbətin hansı yazıdan və saytlardan getdiyi barədə hər hansı açıqlama verməyib. Qısaca bildirib ki, ondan ifadəni Ağır Cinayətlərə Dair İstintaq İdarəsinin müstəntiqi Emil Murğuzov alıb.
E.Şükürlü dindirmə zamanı hər hansı təzyiqlə üzləşmədiyini də vurğulayıb: “Əksinə, xoş münasibət və rəftarın şahidi oldum. Müstəntiq saytları izləyən, mədəniyyətli və kübar bir gənc idi. Onlar öz işlərini görməlidir, biz də öz işimizi. Məsələ ilə bağlı əvvəllər də xeyli baş redaktor çağrılıb və ifadələri alınıb”.
Xatırladaq ki, E.Şükürlü 2015-cı ilin noyabrında da “MTN işi” ilə bağlı Respublika Prokurorluğuna çağrılmışdı və bu iş haqda məlumat yayan sayt rəhbərləriylə birgə ona da rəsmi xəbərdarlıq edilmişdi. Sonradan bu xəbərdarlıq əsas götürülərək, 20 illik jurnalistlik fəaliyyətinə və evinin olmamasına baxmayaraq, E.Şükürlüyə jurnalistlər üçün tikilən binadan mənzil verilməsindən imtina edilmişdi.
E.Şükürlü bu dəfə İstintaq İdarəsində ona belə bir xəbərdarlığın edilmədiyini bildirib.
Şərhlər
Elxan bey Azerbaycanın en seviyyeli,şexsiyyetli jurnalistidir
Azərbaycanın sayılıb-seçilən jurnalistinə ögey münasibət mənim kimi bir çoxlarını təəssüfləndirir. Heç kimə əyilməyən, gənclərimizin qeyrət simvolu olan bir ziyalını evlə təmin etməmək, bizim üçün utanc yeridir.Elə bilirəm ki, əlaqədar təşkilatlar bu barədə düşünməli, ayrı seçkiliyə yol verməməlidir.
Elxan bəyi 20 ildən coxdur taniyiram.Yəni tələbəlikdən indiyə kimi hələ bir dəfə Elxanin səhv addim atdiqini gormədim.Uzun illərdir təmuz əqidəli,qərəzsiz fəaliyyəti goz qabaqindadir.İndi hansisa isverən yatib yuxusunu qarisdirib belə bir ziyalini ora bura caqirmaqla SUS demək istəyir.Ayibdi Vallah,əl cəkin əsil vicdanli yazarlardan.Gedin oz isinizlə məsqul olun.Bəsdir,yetər bu yersiz intriqalar:((((
Adam öldürüb ki, Ağır Cinayətlərə Dair İstintaq İdarəsinə cağrılır. Niyə və nədən qorxurlar.