Bu ilin fevral ayında Rusiyadan kapital axını yanvardakı $9 milyardla müqayisədə artaraq $15 milyarda çatıb. Musavat.com Rusiya qaynağına istinadən xəbər verir ki, bu barədə “Ekonombank”ın başda bankın sədr müavini Andrey Klepaç olmaqla ekspertləri bildiriblər.“Bu, kifayət qədər yüksək rəqəmdir – nəzərə alsaq ki, əhali valyuta bazarında fəal oyunçu olmaqdan çəkilir”, - deyə Klepaç qeyd edib.
Beləliklə, 2015-ci ilin ilk iki ayında kapital axını $24 milyard təşkil edib. Əgər bu dinamika qalarsa, o zaman il üçün yekun göstərici İqtisadi İnkişaf Nazirliyinin rəsmi proqnozundan ($115 milyard) yuxarı olacaq.
Şərhlər