Azərbaycanda aviabilet qiymətlərin hədindən artıq baha olması haqda çox yazılıb. Bu məsələ dəfələrlə ictimai müzakirəyə çıxarılıb. Tanınmış vəkil Aslan İsmayılov bu faktı yenidən gündəmə gətirib. O, facebook sosial şəbəkəsindəki səhifəsində bayram günlərində xaricə səfər etmək istərkən qarşılaşdığı qiymətlərdən narazılığını belə ifadə etmişdi: “Bilet qiymətləri ilə bağlı qısa araşdırmalar göstərdi ki, AZAL bu sahədə inhisarçıdır və istənilən istiqamətə bilet qiymətləri başqa ölkələrlə müqayisədə təxminən iki dəfə bahadır. Bakıya uçan başqa ölkə reysləri də AZAL-ın diktəsi ilə biletləri qat-qat baha qiymətə satmağa məcbur edilir. Novruz bayramı ərəfəsində Bakı-İstanbul-Bakı reysi 600 avro olur. Təxminən eyni məsafə olan Tiflis-İstanbul-Tiflis isə 200 avrodur. Bakıdan Kiyevə uçan reyslərdə qiymətlər 450-600 avro olur. Ukrayna Hava Yollarının eyni məsafədə olan digər ölkələrə uçuş qiyməti 200 avro civarındadır”.
AZAL-ın mətbuat xidmətinin rəhbəri Məhərrəm Səfərli isə “Yeni Müsavat”a açıqlamasında xarici aviaşirkətlərin eyni istiqamətli uçuşlarının daha ucuz olması iddialarını da təkzib edib.
Buna cavab olaraq gənc fəal, keçmiş siyasi məhbus Bəxtiyar Hacıyev sosial şəbəkədə maraqlı bir sxem paylaşıb. AZAL və xarici aviaşirkətlərin bilet qiymətlərinin əks olunduğu həmin sxemi təqdim edirik.
AZAL-ın reysləri ilə:
Bakı - London 736 AZN
Bakı-Frankfurt 766 AZN
Baki-Paris 594 AZN
Baki-Moskva 443 AZN
Baki-Milan 395 AZN
Bakı-İstanbul 236 AZN
İndi bu reyslərin Tiflis vasitəsilə baş tutma qiymətlərinə nəzər salaq:
Tiflis-London 401 AZN (LOT - şirkətin adı)
Tiflis-Frankfurt 280 LOT
Tiflis-Paris 313 MAU
Tiflis-Moskva 253 MAU
Tiflis-Milan 239 Alitalia
Tiflis-İstanbul 152 Pegasus
İki tərəfə, gediş-gəliş üçün ucuz biletlərin siyahısına da nəzər salaq:
London-Oslo 31 AZN (1153 km) Ryanair
London-Köln 31 AZN(497 km) Ryanair
London-Berlin 65 AZN (932 km) Ryanair
Barselona-Amsterdam 45 AZN (1239 km) Ryanair
Bakı-Naxçıvan 100 AZN (400 km) AZAL.
Əlavə şərhə ehtiyac qamır. AZAL faktiki olaraq müştərilərindən .
Vaqif
AzPolitika.info
Şərhlər