bank"Azərbaycanda dollar bahalaşa bilər. Bunu bu həftə Mərkəzi Bankın açıqladığı məzənnələrdən görmək olur ki, dollar bahalaşır. Yəni dolların məzənnəsi 0,1-0,2 qəpik artır. Ancaq kəskin bahalaşmanın olacağını demək çətindir". Bu sözləri anspress-ə açıqlamasında iqtisadçı ekspert Samir Əliyev bildirdi. Onun sözlərinə görə, sabah dollar-manat məzənnəsinin necə olacağını proqnozlaşdırmaq çətindir. Bununla belə manatın məzənnəsi dünya bazarında neftin qiymətinin hərəkət istiqamətinə uyğun müəyyənləşəcək:

1samir_aliyev_ 1"Neft hara getsə, manat da ora gedəcək. Yəni neft 30-40 dollara (bu 45 dollar da ola bilər) qədər ucuzlaşsa, ikinci devalvasiya qaçılmazdır. Bu halda manat ən azı 20% ucuzlaşacaq. Neft 70 dollar həddini keçsə, manatın bahalaşması baş verə bilər. İndiki səviyyədə, yəni 50-60 dollar səviyyəsində qalsa, bu halda yumşaq ucuzlaşma olacaq. Fikrimcə, ilin sonuna kimi manat dəyərini ən azı 10% itirəcək. Elman Rüstəmov da əslində kəskin devalvasiya olmayacağını deyəndə, idarəolunan üzən məzənnə siyasətinə keçidi elan edəndə bunu nəzərdə tuturdu. Ona görə də bundan sonra manatın məzənnəsinin zəif də olsa “üzdüyünü” müşahidə edəcəyik".

Qeyd edək ki, dolların növbəti dəfə kəskin bahalaşacağı ilə bağlı xəbərlər yayılıb. Bu səbəbdən də Bakıda valyutadəyişmə məntəqələrinin əksəriyyəti bağlanıb.

Valyutadəyişmə məntəqəsində çalışanlar bunun səbəbini sabah dolların bahalaşacağı ilə izah ediblər.

Onların sözlərinə görə, sabah dollar 10 qəpik bahalaşacaq. Yəni 1 dollar 1,15 manat olacaq.

Bu saatlarda Bakıda əhali dolların bahalaşacağı xəbərindən panikaya düşərək əlindəki milli valyutanı dollara dəyişməyə çalışır. Valyutadəyişmə məntəqələrinin də bağlanması panikanı artıran səbəblərdəndir. Müvafiq qurumlar isə hələlik heç bir açıqlama verməyib.

* * * 

Manatın yumşaq devalvasiyası ilə bağlı proqnozlar doğrulur.

Son günlər dolların manata nisbətdə cüzi bahalaşması müşahidə olunur. AzPolitika.info-nun məlumatına görə, Mərkəzi Bankın aprel ayının 2-sinə olan bülletenində 1 dollar 1.0485 manat, ayın 3-ü 1.0486 manat, 6 aprel tarixində isə 1.0487 manat səviyyəsində müəyyən edilmişdi.

Azərbaycan Mərkəzi Bankının (AMB) aprelin 7-nə olan rəsmi məzənnələr bülleteninə nəzər salanda məlum olur ki, dolların rəsmi məzənnəsi 0,0009 manat və ya 0,09% bahalaşaraq 1,0496 manat səviyyəsində qərarlaşıb.

Bu, manatın hər 100 dollara görə 9 qəpik ucuzlaşması deməkdir.

Ekspertlərin fikrincə, Mərkəzi Bank manatın yumşaq formada ucuzlaşma prosesini davam etdirəcək.

Bivalyuta səbətinə daxil olan avronun məzənnəsinə gəlincə, manata nəzərən Avrozonanın vahid valyutası 0,0039 manat və ya 0,34% ucuzlaşaraq 1,1482 manat olub.

07.04.2015 tarixdən etibarən
Valyuta Kod Kurs
1 ABŞ dolları USD 1.0496
1 Avro EUR 1.1482
1 Avstraliya dolları AUD 0.7977
1 Argentina pesosu ARS 0.1188
100 Belarus rublu BYR 0.0072
1 Braziliya rialı BRL 0.3357
1 BƏƏ dirhəmi AED 0.2858
1 Cənubi Afrika randı ZAR 0.0889
100 Cənubi Korea vonu KRW 0.0962
1 Çexiya kronu CZK 0.0419
100 Çili pesosu CLP 0.1716
1 Çin yuanı CNY 0.1695
1 Danimarka kronu DKK 0.1536
1 Gürcü larisi GEL 0.4659
1 Honq Konq dolları HKD 0.1354
1 Hindistan rupisi INR 0.0168
1 İngilis funt sterlinqi GBP 1.5636
100 İndoneziya rupiası IDR 0.0081
100 İran rialı IRR 0.0037
1 İsveç kronu SEK 0.1226
1 İsveçrə frankı CHF 1.0965
1 İsrail şekeli ILS 0.2678
1 Kanada dolları CAD 0.8417
1 Küveyt dinarı KWD 3.492
1 Qazaxıstan tengəsi KZT 0.0057
1 Qırğız somu KGS 0.0164
100 Livan funtu LBP 0.0696
1 Malayziya rinqqiti MYR 0.2888
1 Meksika pesosu MXN 0.0705
1 Moldova leyi MDL 0.0594
1 Misir funtu EGP 0.1376
1 Norveç kronu NOK 0.1323
100 Özbək somu UZS 0.042
1 Polşa zlotası PLN 0.2816
1 Rusiya rublu RUB 0.019
1 Sinqapur dolları SGD 0.7738
1 Səudiyyə Ərəbistanı rialı SAR 0.2798
1 SDR (BVF-nun xüsusi borcalma hüquqları) SDR 1.4624
1 Türk lirəsi TRY 0.4082
1 Tayvan dolları TWD 0.0339
1 Tacik somonisi TJS 0.1765
1 Yeni türkmən manatı TMT 0.2999
1 Ukrayna qrivnası UAH 0.0452
100 Yapon yeni JPY 0.8773
1 Yeni Zelandiya dolları NZD 0.7902
Qızıl XAU 1257.9456
Gümüş XAG 17.6858
Platin XPT 1211.2384
Palladium XPD 788.2496