Ukrayna ərazisində 4 mindən 14 minədək rus əsgəri var. Musavat.com-un Ukrayna KİV-ə istinadən verdiyi xəbərə görə, bu barədə Ukrayna prezidenti Pyotr Poroşenko Slovakiyanın prezidenti Andrey Kiska ilə keçirdiyi birgə mətbuat konfransında bildirib.
“Mən istərdim ki, biz situasiyanı aydın dərk edək: Ukraynadakı vəziyyət nə daxili konfliktin nəticəsidir, nə də vətəndaş müharibəsi. Rusiya hərbi qüvvələrinin ərazimizdə mövcudluğu çoxdan müşahidə edilir. Və müxtəlif zamanlarda ərazimizdə təkcə 4-14 min arası Rusiya nizami hərbi qulluqçusu olub” – deyib Ukrayna prezidenti.
Poroşenko bu məlumatların Ukraynanın NATO-dakı tərəfdarlarının təqdim etdiyini söyləyib. Onun sözlərinə görə, rus hərbçilərinin sərhədi keçmə faktları peyk vasitəsi ilə qeydə alınıb.
Şərhlər