Bakıda əsasən “Dostluq” parkının ərazisində olmaqla qanunsuz tikilən 42 villa sökülür. "Trend" xəbər verir ki, bunu Bakı şəhər İcra Hakimiyyətinin başçısı Hacıbala Abutalıbov ATV-yə deyib.
H.Abutalıbovun sözlərinə görə, villalarla bağlı böyük söküntü işləri gedir.
Bakı şəhər icra başçısı bildirib ki, bu villalar adi vətəndaşın imkanı hesabına tikilə bilməz: “Bunlar 5-10 milyonluq böyük tiklilərdir. Kimliyindən asılı olmayaraq qanunsuz hərəkət edən hər kəs cəzasını alacaq”.
Maraqlıdır, bəs "5-10 milyonluq" qanunsuz 42 villa (Əslində onların sayı minlərlədir-red) tikiləndə çox hörmətli merimiz hara baxırdı? Əlbəttə ki, bu suala Hacıbala müəllim cavab verməyib. Amma sualın cavabı, zənnimizcə, bütün Azərbaycana bəllidir.
V.Nəsibov
Şərhlər