Etirazçılar danışıqlarda rəsmilərin həddən artıq güzəştli mövqe tutduğunu bildiriblər
İranın paytaxtı Tehranda nüvə proqramına dair 6-lıq ölkələri ilə aparılan danışıqlar prosesinə qarşı etiraz aksiyasi baş tutub. ANS TV-nin verdiyi məlumata görə, Amerika Birləşmiş Ştatları ilə müzakirələrin əhəmiyyətsiz olduğunu bildirən fəallar hökumətin danışıqlarda həddən artıq güzəştli mövqe tutduğunu bildiriblər.
Aksiya iştirakçiları danışıqlarda ölkəni təmsil edən xarici işlər naziri Məhəmməd Cavad Zərifi təndiq atəşinə tutublar. İranda, hətta, bir sıra radikal siyasi qurumlar Zərifi ölkəyə xəyanət etməkdə ittiham ediblər. Mötədil siyasi partiyalar isə, etirazların danışıqlara ziyan vuracağından ehtiyat etdiklərini bildiriblər. Aksiya zamanı fəallar Amerika Birləşmiş Ştatları və İsrailin bayraqlarını yandırıblar.
Qeyd edək ki, sabah İsveçrənin Cenevrə şəhərində Məhəmməd Cavad Zərif Amerikalı həmkarı Con Kerri ilə nüvə proqramına dair görüş keçirəcək.
Şərhlər