KXDR-in müxtəlif təxribatları, o cümlədən nüvə silahı ilə bağlı təxribatlar bütün dünya, eləcə də Asiya-Sakitokean ölkələri üçün böyük problem olaraq qalır. KİV-in məlumatına görə, bu bəyanatı Sinqapurda keçirilən Asiya-Sakinokean bölgəsi üçün təhlükəsizlik forumunun plenar sessiyasında ABŞ-n müdafiə naziri Eşton Karter səsləndirib (TASS).
Onun sözlərinə görə, Birləşmiş Ştatlar artıq uzun müddətdir ki, Pxenyanın nüvə proqramından narahatlıq keçirir: «Bununla belə, biz hələ də bu problemin diplomatik yolla həllinə ümid edirik...». Bu istiqamətdə Karter, danışıqlar aparan «beşlik» ölkələrinin - Çin, Cənubi Koreya, Rusiya, ABŞ və Yaponiyanın səylərini qeyd edib.
Bununla bərabər, amerikalı nazir etiraf edib ki, hələlik hər-hansı uğur əldə etmək mümkün olmayıb: «Buna baxmayaraq, bu ölkələrdə Koreya yarımadası problemlərinin həlli məsələsində ümumi anlaşma və istək var...».
AzPolitika.info
Şərhlər