Yaxın günlərdə Demokratik Qüvvələrin Milli Şurasının sessiyası olacaq. Sessiyada qurumun gələcək taleyi müzakirə ediləcək. Turan-ın məlumatına görə, bu qərar Milli Şuranın sədri Cəmil Həsənlinin çərşənbə axşamı keçirdiyi Məşvərət Şurasının iclasında qəbul olunub.
Cox güman ki, şənbə günü keçiriləcək sessiyanın qarşısında DQMŞ-ni demokratik qüvvələrin effektiv fəaliyyət göstərən koalisiyası durumuna gətirmək vəzifəsi durur.
2013-cü il mayın 28-də yaradıldığı vaxtdan MŞ müxtəlif səbəblərdən siyasi partiyalar və vətəndaş cəmiyyətinin fəalları arasında birlşdirici funksiyasını yerinə yetirə bilməyib.
Bundan əvvəl Liberal və İslam partiyaları, Açıq Cəmiyyət Partiyasının sədri Rəsul Quliyev MŞ-ni tərk ediblər. Rüstəm İbrahimbəyov sədr postundan gedib. Ötən çərşənbə axşamı Müsavat Partiyası MŞ-dən çıxdığını bəyan edib.
Qeyd etmək lazımdır ki, MŞ yaradıldığı vaxtdan bəzi müstəqil ictimai xadimlər qurumda iştirak etməyiblər. Yarandığı vaxtdan MŞ-nin tərkibində 139 nəfər siyasi partiya təmsilçisi və müstəqil xadim olub.
Şərhlər