ABŞ müdafiə naziri Eşton Karter: Müttəfiqlərimizi müdafiə edəcəyik
Birləşmiş Ştatlar Rusiyadan düşmən obrazı yaratmır və Rusiya ilə hansısa münaqişəyə can atmır.
Anspress-in məlumatına görə, bu barədə ABŞ müdafiə naziri Eşton Karter Berlində bildirib.
“Biz Rusiyadan özümüzə düşmən yaratmırıq. Amma bunu qarışıq salmayın: Biz müttəfiqlərimizi, qanunun aliliyinə əsaslanan dünya nizamını və bu nizamın zəmanət verdiyi xoşbəxt gələcəyi müdafiə edəcəyik”,- deyə Pentaqon başçısı vurğulayır.
Karter bu həftə Avropa turnesinə çıxıb. Almaniyadan sonra o, Estoniyaya gedəcək. Daha sonra 24-25 iyunda o, Brüsseldə NATO ölkələrinin müdafiə nazirlərinin iclasında iştirak edəcək. Karterin sözlərinə görə, iclasda alyansın Ukraynada baş vermiş hadisələr və Rusiya ilə gərginləşən münasibətlər müzakirə olunacaq.
Şərhlər