Bolqarıstan və Belarus samboçuları erməni rəqiblərini məyus edib.
Bu gün Bakı-2015 birinci Avropa Oyunları çərçivəsində Heydər Əliyev adına İdman Sarayında keçirilən sambo yarışları davam edir. Anspress-in məlumatına görə, 52 kq-dək çəkidə çıxış edən Ermənistan təmsilçisi Sose Balasanyan 3-cü yer uğrunda görüşdə Bolqarıstan samboçusu Maqdalena Varbanova ilə üzləşib.
Bolqarıstan təmsilçisi erməni rəqibinə 2:0 hesabı ilə qalib gələrək bürünc medala sahib olub. Bu çəki dərəcəsində final görüşü Azərbaycan və Rusiya samboçuları arasında keçirilib.
57 kq-dək çəki dərəcəsində Ermənistanı kişi samboçuların yarışında təmsil edən Tiqran Kirakosyan 3-cü yer uğrunda görüşdə Belarus idmançısı Vladislav Burdzla qarşılaşıb.
Belarus samboçusu erməni rəqibinə üstün gələrək 3:1 hesablı qələbə qazanıb və Oyunların bürünc medalını əldə edib.
Şərhlər