Pentaqon və ABŞ-ın dəniz piyadası Korpusu (USMC) Tennessi ştatının Çattanuqa şəhərində baş vermiş silahlı insident zamanı 4 hərbçinin öldürülməsi faktını təsdiqləyib.
APA-nın TASS agentliyinə istinadən verdiyi məlumata görə, bu barədə ABŞ Müdafiə nazirliyinin rəsmi açıqlamasında bildirilir.
“Tennessi ştatının Çattanuqa şəhərində baş vermiş silahlı hücum nəticəsində 4 dəniz piyadaçısı ölüb, 1-i isə yaralanıb. İnsident ABŞ hərbi donanmasının ehtiyat Mərkəzində və çağırış məntəqəsinin yaxınlığında baş verib. Ölən hərbçilərin adları bir qədər sonra açıqlanacaq”, açıqlamada deyilir.
Şərhlər