ABŞ prezidenti həftəlik müraciətində İranla razılaşmadan danışıb
ABŞ prezidenti Barak Obamanın sözlərinə görə, bu həftənin əvvəli əldə edilən razılaşma İranın nüvə silahı hazırlamasının qarşısını almaq üçün indiyədək görülən işlərin hamısından qat-qat effektlidir.
Adətən şənbə günləri yayımlanan həftəlik müraciətində prezident Obama deyib ki, İran razılaşmanın şərtlərini poza bilməz, çünki sazişin müəyyən etdiyi yoxlama prosesi "hərtərəfli" və "inadkardır".
Onun dediyinə hörə, əgər İran nüvə materiallarının 98 faizinin ölkədən çıxarılmasını nəzərdə tutan razılaşmanı pozsa, iqtisadiyyata ağır zərbə vuran sanksiyalar yenidən qüvvəyə minəcək.
Prezident deyib ki, razılaşma olmasaydı beynəlxalq ictimaiyyət dünyanın ən həssas regionunda yeni bir müharibə ilə üz-üzə qala bilərdi.
Şərhlər