Yəməndə Birləşmiş Ərəb Əmirlikləri hərbi kontingentinin 45 hərbçisi həlak olub. APA-nın “TASS”a istinadən verdiyi xəbərə görə, bu barədə “Əl Mayadin” telekanalı məlumat yayıb.
Beynəlxalq koalisiyaya məxsus hərbi bazanın husilər tərəfindən raket atəşinə tutulması nəticəsində həmçinin 5 Bəhreyn hərbçisi ölüb.
Üsyançı husilərin nümayəndəsi Safir şəhərində hərbi bazanın raket atəşinə tutulmasını təsdiqləyib. Onun sözlərinə görə, hücum nəticəsində koalisiyaya məxsus 2 “Apache” tipli helikopter, bir neçə ədəd zirehli texnika və 3 yaylım atəşi sistemi məhv edilib.
Xatırladaq ki, 2015-ci ilin martından etibarən Səudiyyə Ərəbistanının başçılıq etdiyi “ərəb koalisiyası” üsyançı husilərə qarşı əməliyyatlar həyata keçirir. Koalisiyaya həmçinin Birləşmiş Ərəb Əmirlikləri, Küveyt, Qətər, Bəhreyn, Misir, İordaniya və Sudan daxildir.
Şərhlər