Ukrayna Ali Radası oktyabrın 15-də BMT Təhlükəsizlik Şurasına keçiriləcək qeyri-daimi üzv seçkilərində Ukraynanın namizədliyini dəstəkləmələri üçün BMT üzvlərinə müraciət edib.
AzPolitika.info-nun “RİA Novosti”yə istinadən verdiyi məlumata görə, müvafiq bəyannaməyə 238 deputat səs verib.
“Ukrayna Ali Radası BMT-yə üzv-dövlətləri 2015-ci il oktyabrın 15-də BMT-nin Təhlükəsizlik Şurasına keçirilən seçkilərdə Ukraynanın namizədliyini dəstəkləməyə çağırır. BMT-nin 70 illik tarixində Ukrayna qeyri-daimi üzv kimi Təşkilatın etimadını 3 dəfə doğruldub”, - deyə bəyannamədə bildirilir.
BMT Təhlükəsizlik Şurasının 5 daimi (Rusiya, ABŞ, Böyük Britaniya, Fransa və Çin) və 10 qeyri-daimi üzvü var.
Şərhlər