Oktyabrın 25-dən Rusiya hava məkanını Ukrayna təyyarələrinin üzünə bağlayır. Bu, Ukraynanın ötən həftə qoyduğu qadağaya cavabdır.
Rusiya nəqliyyat agentliyi sentyabrın 28-də bildirib ki, baş nazir Dmitri Medvedev qadağa barədə sərəncam verib.
Ukrayna hökumətinin sentyabrın 25-də çıxardığı qərara görə, oktyabrın 25-dən Aeroflot, Transaero və Rusiyanın digər hava şirkətlərinin Ukraynaya uçuşu qadağan olunur.
Kiyev bu addımı Krım vilayətinin Rusiya tərəfindən anneksiya edilməsinə cavab olaraq atıb. Ukrayna həmçinin bununla Rusiyanın ölkənin şərqindəki separatçılara yardımını əngəlləmək istəyir. Rusiya separatçılara hər hansı dəstək göstərmədiyini deyir. /"Azadlıq" radiosu
Şərhlər