"Avro-2016"nın seçmə mərhələsi çərçivəsində oktyabrın 10-da Bakıda millimizin qonağı olacaq İtaliya millisi bu gün ölkəmizə gələcək.
Futbolxeber.az-ın verdiyi məlumata görə, “Skuadra Adzurra”nı Bakıya gətirən təyyarənin 20:00 radələrində Heydər Əliyev adına beynəlxalq hava limanına enəcək. Komanda üzvləri hava limanından birbaşa qalacaqları otelə yollanacaq.
Oktyabrın 9-da İtaliya millisi matçın keçiriləcəyi Bakı Olimpiya Stadionunda oyunöncəsi məşqə çıxacaq.
Xatırladaq ki, Azərbaycan - İtaliya görüşü oktyabrın 10-da keçiriləcək və saat 21:00-da start götürəcək.
Şərhlər