Mərkəzi Seçki Komissiyasının (MSK) bu gün keçirilən iclasında Milli Məclisə noyabrın 1-nə təyin edilmiş seçkilərdə təşviqat kampaniyasının aparılması ilə bağlı bir sıra tövsiyələr verilib.
Trend-in məlumatına görə, iclasda MSK sədri Məzahir Pənahov qeydə alınmış namizədləri seçiqabağı təşviqat zamanı qanunun tələbinə əməl etməyə çağırıb.
O bildirib ki, qanunazidd hərəkət edən namizədlər barəsində hüquqi tədbirlər görülə bilər: “Biz kimisə cəzalandırmağa çalışmırıq, əksinə, hamıya bərabər şərait yaratmaq istəyirik. Buna görə də hər kəsi qanunun tələblərinə əməl etməyə çağırırıq. Bizi məcbur etməsinlər ki, ciddi tədbir görək”.
Şərhlər