Türkiyə paytaxtı Ankarada 30 nəfərin ölümü, 126 nəfərin yaralanması ilə nəticələnən terror aktı ilə bağlı bu ölkəyə başsağlığı verən ilk dövlətlər Azərbaycan və Pakistan olub.
AzPolitika.info-nun "Sabah"a istinadən verdiyi məlumata görə, rəsmi İslamabad və Bakıdan gələn başsağlığı bəyanatlarında Türkiyənin kədəri bölüşülür və terrorla mübarizədə dəstək ifadə olunur.
Azərbaycan prezidenti İlham Əliyev bu hadisədən sarsıldığını və hiddətləndiyini bildirib. İ.Əliyev terrorla mübarizədə Azərbaycan xalqının Türkiyənin yanında olduğunu vurğulayıb.
Şərhlər