“Neftçi” “Xəzər-Lənkəran”la oynamaqdan imtina etdi!- Azərbaycan futbolunda qalmaqal

Neftçi” futbol klubu “Xəzər-Lənkəran” klubu ilə bu gün baş tutmalı olan oyunundan imtina edib. Bu barədə ANS PRESS-ə klubun mətbuat katibi Gündüz Abbaszadə söyləyib. Onun sözlərinə görə, klubu belə bir addım atmağa məcbur edən səbəb, “Neftçi”- “Xəzər-Lənkaran”oyunu üçün futbolçuları Lənkərana aparan avtobusun daşlanması olub. G.Abbaszadə qeyd edib ki, məsələ ilə əlaqdar klubun prezidentinə məruzə edilib:

“Hadisə geçə saatlarlnda Lənkaran şəhərində kubun oyunçularının qaldığı otelin qabağında törədilib. Səhər qalxdıq və gördük ki, klubun avtobusunun bütün pəncərələrini sındırıblar. Mən inanmıram ki, "!Xəzər-Lənkaran"ın fanatları belə iş görsünlər. Bu vandallıqdan başqa bir şey deyil. Konkret burada polisi də günahlandırmaq düzgün deyil. Polis nümayəndələrinin bura heç bir aidiyyatı yoxdur. Bu stadionun ərazisində baş versəydi, onu baş düşmək olardı. Buna nə ad vermək olar? Bəlkə də, bununla müəyyən mənada “Neftçi”yə təziq göstərmək istəyirlər. Belə futbol heç kəsə lazım deyil. "Neftçi" futbol klubu geri qayıtmaq və oyuna çıxmamaq haqqında düşünür. Bu haqda kubun prezidentinə məruzə edilib. Hazırda Bakıya qayıtmaqla bağlı müzakirələr aparırıq. Son sözü klub prezidenti deyəcək. Böyük ehtimalla, biz bu oyuna çıxmayacağıq və bir saat sonra Bakıya qayıdacağıq”.

“Hadisə “Neftçi” rəsmilərinin iddia etdikləri kimi ciddi deyil. Orda hansısa böyük problem baş verməyib”. Bu sözləri apasport.az saytına “Xəzər Lənkəran” klubunun vitse-prezidenti Tuyqun Nadirov deyib.

Topaz Premyer Liqasının XX turunda bu gün “Xəzər Lənkəran”la qarşılaşacaq “Neftçi” klubunun avtobusu Lənkəranda daş-qalaq olunub. Dünən axşam saatlarında baş verən hadisə nəticəsində avtobusun şüşəsi sındırılıb. Buna etiraz edən paytaxt təmsilçisi eyni hadisənin saat 16:00-da başlayacaq qarşılaşmada da təkrarlanacağından ehtiyatlanır.

Nadirov hadisədən xəbərdar olduqlarını bildirib: “Əgər hansısa xuliqan tərəfindən avtobusa daş atılıbsa, bunu bu qədər şişirtmək, bütün lənkəranlı azarkeşlərin adına yazmaq düzgün deyil. Bu komandaya məxsus avtobusun şüşəsinin yalnız bir qatı sınıb. Ona qalsa, “Neftçi” azarkeşləri Bakıda bizim avtobusun 8 şüşəsini sındırıblar, amma biz bunu şişirdib, ictimailəşdirməmişik. Fikrimcə, oyun öncəsi belə ajiotaj yaratmaq əhəmiyyətsizdi. Hüquq-mühafizə orqanları və komandamızın mühafizə xidmətinin əməkdaşları tərəfindən hər şeyə nəzarət edilir. Oyun zamanı heç bir problem ola bilməz”.

Nadirovun sözlərinə görə, hazırda “Xəzər Lənkəran”ın mühafizəçiləri də “Neftçi” klubunun yanındadır: “Onlar həm yolda, həm də oyunda “Neftçi”ni müşayiət edəcəklər. Şüşəni sındıran şəxs isə tapılıb, haqqında ölçü götürüləcək”.