Bakıda 8 kq-dan artıq narkotik maddəni satmaq istəyən şəxs həbs olunub.
Binəqədi Rayon Polis İdarəsi və 4-cü Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsi ilə məşğul olan Elman Mirzəyev saxlanılıb. Onun əlindəki torbaya baxış zamanı 8 kiloqram 70 qram qurudulmuş marixuana aşkar edilərək götürülüb.
E.Mirzəyev ifadəsi zamanı narkotik maddəni satmaq niyyəti ilə Bakı şəhərinə apardığını bildirib:
"Bir ay bundan əvvəl çayın qırağından nəşə yığdım, aparıb evdə qurutdum. Dedim ki, aparım Bakıya, 5 minə satım. Satmaq istəyəndə polis məni tutdu".
Faktla bağlı Cinayət Məcəlləsinin müvafiq maddələri ilə cinayət işi açılıb, araşdırmalar davam etdirilir. (Region TV)
Şərhlər