Ali Radada Yanukoviçin istefası müzakirə olunur -CANLI YAYIM

Ukrayna Ali Radasında müxalifət oiderləri prezident Viktor Yanukoviçin istefası ilə bağlı qərarın qəbulunu təklif ediblər. Musavat.com xəbər verir ki, məlumatı UNİAN yayıb.

“Ali Rada Viktor Yanukoviçdən istefa verməyi tələb etməlidir. Bu, növbədənkənar seçkilərin təyin edilməsi üçün əsas olacaq. Konstitusiyaya görə, seçkilər mayın 25-dən gec olmayaraq keçirilməlidir”, - UDAR partiyasının lideri Vitali Kliçko parlamentin iclasında bildirib.

“Batkivşina” fraksiyasının lideri Arseni Yatsenyuk isə bildirib ki, Ali Radanın qəbul etdiyi qanunların imzalanmaması Yanukoviçin istefası üçün əsasdır.

Bu arada isə Ali Radanın spikeri Vladimir Rıbakın ardınca onun birinci müavini İqor Kaletnik də istefa ərizəsi yazıb.

----------

Kiyevdəki qanlı toqquşmalar nəticəsində 603 nəfər yaralanıb. Musavat.com xəbər verir ki, bu barədə məlumat Ukrayna Səhiyyə Nazirliyinin saytına yerləşdirib. Məlumata görə, son bir sutka ərzində təcili tibbi yardıma 26 nəfər müraciət edib. Onlardan 21-i xəstəxanaya yerləşdirilib.

Toqquşmalar başlayancan həkimə müraciət edən 603 nəfərdən 390-ı xəstəxanadadır.

Toqquşmalar nəticəsində ölənlərin sayında dəyişiklik yoxdur. Fevralın 18-dən indiyədək 77 nəfər qanlı toqquşmaların qurbanı olub.