Martın 2-də axşam Almaniya federal kansleri Angela Merkel ilə Rusiya prezidenti Vladimir Putin arasında uzun sürən telefon danışığı olub.
APA-nın xəbərinə görə, ABŞ-ın nüfuzlu “The New York Times” qəzeti A.Merkelin V.Putinlə danışığı barədə ABŞ prezidenti Barak Obamanı məlumatlandırdığını yazıb. Belə ki, xanım Merkel Obamaya Putinin reallıq hissini itirdiyini deyib: “Putin reallıqla əlaqəsini itirib və başqa dünyada yaşayır”.
Qeyd edək ki, V.Putinin A.Merkellə söhbətində Ukrayna böhranının danışıqlar və ATƏT missiyasının iştirakı ilə həllinə razılıq verdiyi bildirilir.
Şərhlər