Paytaxt sakinlərinin orta maaşı 700 manata yaxınlaşır.
2016-cı il yanvar ayının 1-i vəziyyətinə Bakı şəhərinin əhalisinin sayı 2 milyon 225,8 min nəfər olub. Hazırda şəhərdə əhalinin sıxlığı bir kvadrat kilometrə 1040 nəfər təşkil edir.
Bu barədə Oxu.Az-a Bakı Şəhəri Statistika İdarəsindən bildiriblər.
Məlumata görə, ötən il ərzində Bakıda 34,2 min nəfər doğulub, ölənlərin sayı isə 12,5 min nəfər təşkil edib.
2015-ci il ərzində Bakıda 16,7 min yeni ailə qurulub, 4,2 min ailə isə dağılıb.
Bundan başqa, qeyd olunur ki, paytaxtda işləyən şəxslərin sayı 2014-cü il ilə müqayisədə 8 min 694 nəfər azalaraq, 684 min 146 nəfər təşkil edib.
Muzdla işləyənlərin orta aylıq əmək haqqı isə 7,5% artaraq 666,7 manat olub.
Şərhlər