Dünya Azərbaycanlılarının IV Qurultayının iyunun 3-ü və 4-də Bakıda keçiriləcəyi gözlənilir.
Bunu Diasporla İş üzrə Dövlət Komitəsinin mətbuat xidmətindən «Report»a bildiriblər.
Qurultaya hazırlıqla bağlı Diasporla İş üzrə Dövlət Komitəsi Təşkilat Komitəsi yaradıb.
Qurultayda dünyanın 49 ölkəsindən 500-dən çox Azərbaycan diaspor təşkilatlarının nümayəndələrinin iştirakı gözlənilir. Habelə, Azərbaycana dost münasibəti ilə tanınan xarici ölkələrin nüfuzlu siyasətçiləri, ictimai xadimləri və elm adamları da qurultaya dəvət ediləcəklər.
Dünya Azərbaycanlılarının I Qurultayı 2001-ci ilin noyabrında Bakıda keçirilib.
II Qurultay 2006-cı il martın 16-da, III Qurultay isə 2011-ci il iyul ayının 5-i və 6-da gerçəkləşib.
Şərhlər