Aprel döyüşlərindən qorxuya düşən ermənilər hakimiyyəti "itaətsizlik aksiyaları” ilə hədələyirlər.
İrəvanda etirazçılar Ermənistan prezidenti Serj Sarkisyanın bağı kimi məşhur olan əraziyə hücum etmək istəyiblər. Ans press-in məlumatına görə, polis etirazçıların bu addımın qarşısını yolunu kəsməklə ala bilib. Aksiya Baqramyan prospekti və Proşyana küçəsinin kəsişməsində baş tutub. Daha sonra etirazçılar oradan ölkə rəhbərliyi üçün nəzərdə tutulan malikanələrə - “hökumət bağları” adlanan əraziyə daxil olmağa cəhd ediblər.
İrəvanda mitinq: Müdafiə naziri istefa versin
Müdafiə və xarici işlərin nazirlərinin istefasının tələb edildiyi aksiya "Biz - ölkənin sahibiyik!" təşəbbüs qrupu tərəfindən təşkil edilib. Etirazçilar həmçinin Sarkisyanı Dağlıq Qarabağ ərazisinə sülhməramlıların yerləşdirilməsindən imtina etməyə çağırıblar.
Əraziyə çox sayda polis və xüsusi təyinatlılar cəlb edib. Aksiyaçılar Sarkisyanın onlarla görüşməsini tələb ediblər. Onlar polisi "itaətsizlik aksiyaları” ilə hədələyiblər.
Prezident isə fəalların qarşısına çıxmayıb və onlar asayiş keşikçilərinin müşayiəti altında Azadlıq meydanına doğru yürüş ediblər.
Aksiya iştirakçıları dördgünlük müharibə zamanı erməni ordusunun və Ermənistan diplomatiyasının müvəffəqiyyətsizliyiylə əlaqədar olaraq Ermənistanın xarici işlər naziri Edvard Nalbandyan, müdafiə naziri Seyran Ohanyan, Baş qərargah rəisi Yuri Xaçaturyan və onun müavini Aykaz Baqmanyanın istefasını tələb ediblər.
Cəbhə xəttində baş verən gərginliklərdən sonra məğlub vəziyyətə düşən Ermənistanda hakimiyyətə qarşı narazılıqlar artıb. Ermənistan əhalisi aprel məğlubiyyətinə görə, Serj Sarkisyanı və digər dövlət rəsmilərini günahladırırlar. Ermənistanda analoji aksiyalar aprelin 23-də yaşanıb. İrəvan polisi Ermənistan prezidenti Serj Sarkisyanın iqamətgahına yürüş edənlərə güc tətbiq edərək aksiya iştirakçılarını qovub. Çoxlu sayda aksiya iştirakçıları saxlanılıb.
Ermənilər ayağa qalxır - Sarkisyan get!
Aprelin 26-da isə İrəvanda “Sarkisyan get!”şuarı altına aksiya təşkil edilib.
Aksiya iştirakçıları narahat idilər ki, Sergey Lavrovun səfərindən sonra iqtidar Azərbaycanla Kazan sənədi barədə danışıqları davam etdirə bilər. Həmin sənəd isə digər bəndlərlə yanaşı, işğal edilmiş beş rayonun geri qaytarılmasını nəzərdə tutur.
Aprel hadisələrindən sonra belə aksiyalar Rusiya əleyhinə də təşkil edilmişdi. Həmin vaxt onlar Rusiyanın Ermənistanı müdafiə etməməsindən şikayətlənirdilər.
Şərhlər