Belarus prezidenti "Şuster Live" teleproqramı ilə çıxışı zaman Viktor Yanukoviçi sərt tənqid edib
Belarus prezidenti Aleksandr Lukaşenko "Şuster Live" teleproqramı ilə çıxışı zaman Viktor Yanukoviçi sərt tənqid edib və ona lazım gələrsə özünü qurban verməyə məsləhət görüb.
ANS PRESS-in məlumatına görə, Belarus prezidenti deyib: "Yanukoviçə gəldikdə: mənimçün onun nəyi prezidentdir? Bu da onun sonuncu çıxışı: yoldaşlar, cənablar, mən sağ və salamatam, silahlı qüvvələrin ali baş komandanıyam. Dərhal sual doğur: bəs sənin ordun hardadır?"
"Prezident öz xalqının yanında olmalıdır, nə qədər çətin olsa da. Əgər sabah səni güllələsələr, öldürsələr belə - deməli, sənin taleyin budur. Deməli, sən özünü qurban verməlisən. Bəs necə? İqamətgahda oturub, hakimiyyətdən zövq alanda yaxşı idi, çətin olan kimi qaçmalısan? Yox mən bunu qəbul edə bilmirəm",- deyə Belarus lideri bildirib.
Şərhlər