Xarici KİV-in yaydığı məlumata görə, Böyük Britaniya 2017-ci ildə Şimali Atlantika alyansının şərq sərhədlərinə - Estoniya və Polşaya 650 hərbçi göndərəcək. Bu barədə «The Times» qəzeti xəbər verir.
«Gələn ildən 500 Britaniya hərbçisi uzun müddətə Estoniyada və 150 hərbçi isə Polşada yerləşdiriləcək» - deyə, qəzet Britaniya hökumətindəki mənbəyə istinadla yazır. Mənbə bildirib ki, bu qüvvələr, müdafiə xarakterlidir və döyüş əməliyyatları həyata keçirmək qabiliyyətində olacaq.
Qəzetin məlumatına görə, Birləşmiş Krallıq bir qədər sonra NATO-nun yüksək çevik qüvvələrinə başçılıq edəcək (rotasiya əsasında). Bu qüvvələrin əsasını «Nizənin ucu» adı ilə məşhur olan 3 min Britaniya hərbçisi təşkil edir və onlar hazırda Almaniyada və Böyük Britaniyada yerləşir.
Yüksək çevik qüvvələrin yaradılması döyüş hazırlığının aptırılması üzrə fəaliyyət planı ilə nəzərdə tutulub. Bu plan NATO-nun 2014-cü ildə Uelsdə keçirilmiş sammitində qəbul olunub.
AzPolitika.info
Şərhlər