Abşeron və Neftçala rayonlarında narkotik vasitə becərən şəxslər saxlanılıb.
Abşeron RPİ-nin Mehdiabad Polis Bölməsi və Nizami RPİ 24-cü PB əməkdaşlarının həyata keçirdikləri əməliyyat-axtarış tədbirləri nəticəsində Mehdiabad qəsəbə sakini Elşən Hüseynova məxsus həyətyanı sahədən kultivasiya yolu ilə yetişdirilmiş 54 ədəd çətənə kolu və 1,05 kiloqram marixuana aşkar edilərək götürülüb.
Neftçala RPŞ əməkdaşlarının həyata keçirdikləri əməliyyat-axtarış tədbirləri nəticəsində Aşağı Qaramanlı kəndi ərazisində kənd sakini, əvvəllər məhkum olunmuş Elşad Səlimov tərəfindən kultivasiya yolu ilə yetişdirilmiş 24 ədəd çətənə kolu aşkar olunub.
Hər bir faktla bağlı araşdırma aparılır.
Şərhlər