Maliyyə Bazarlarına Nəzarət Palatasının (MBNP) “Naxçıvan Kredit” bank olmayan kredit təşkilatı (BOKT) MMC-nin lisenziyasını ləğv edib. Palatadan verilən xəbərə görə, bu qərar qurumun müraciəti əsasənda qəbul edilib.
“Naxçıvan Kredit” BOKT MMC-nin təsisçilərinin ümumi yığıncağı BOKT-nin könüllü ləğv edilməsinə dair qərar qəbul edilib. Bununla əlaqədar olaraq Palataya müraciət olunub.
“Bank olmayan kredit təşkilatları haqqında” Azərbaycan Respublikasının Qanununun 25.1.1-ci maddəsini və Azərbaycan Respublikasının Maliyyə Bazarlarına Nəzarət Palatasının Nizamnaməsinin 5.3.20-ci bəndini rəhbər tutaraq “Naxçıvan Kredit” BOKT MMC-yə kreditlərin verilməsi fəaliyyətinə verilmiş 06 iyul 2006-cı il tarixli 192-QB nömrəli lisenziyasını ləğv edilib.
Palatanın Direktorlar Şurasının digər qərarı ilə poçt rabitəsinin milli operatoru olan “Azərpoçt” MMC-nin 7 şöbəsinə əsasnamələri ilə nəzərdə tutulan maliyyə xidmətlərinin həyata keçirilməsi üçün icazələr verilib.
Şərhlər