Türkiyənin Baş naziri Binəli Yıldırımın başçılığı ilə keçirilən təhlükəsizlik toplantısı sona çatıb.
1 saat 40 dəqiqə davam edən yığıncaqda İstanbulun Beşiktaş rayonunda baş verən terror hücumu müzakirə olunub.
Dolmabaxça sarayında baş tutan toplantı mətbuata qapalı şəkildə keçirilib.
Toplantıya baş nazirin müavini Numan Qurtulmuş, Daxili İşlər naziri Süleyman Soylu, Səhiyyə naziri Rəcəb Akdağ, İstanbul valisi Vasip Şahin və İstanbul Polis İdarəsinin rəisi Mustafa Çalışqan qatılıb.
Xatırladaq ki, İstanbulun Beşiktaş rayonunda yerləşən “Reina” gecə klubuna silahlı hücum olub. Hadisə nəticəsində 39 nəfər həlak olub, 69 nəfər isə yaralanıb.
Şərhlər