Ekspertlər Trampın bu hərəkətini bir mesaj olaraq dəyərləndirirlər
ABŞ prezidenti Donald Tramp ilk iş günündə imzaladığı fərmanlarla yanaşı, iş otağı olan “Oval Ofis”də də bəzi “dekorativ” dəyişikliklər edib.
İstiPress-in “HaberTürk”ə istinadən verdiyi xəbərə görə, 2009-ci ildə Barak Obamanın ofisdən uzaqlaşdırdığı İngiltərənin keçmiş baş naziri Uinston Çörçilin büstünü Tramp yenidən “Oval Ofis”ə gətirib.
Obama büstü Martin Lüter Kinq və Avram Linkolnun büstlərinin olduğu otağa qoydurubmuş. Ekspertlər Trampın büstü iş otağına qaytarmasını bir mesaj olaraq dəyərləndirirlər.
ABŞ prezidentinin qarşıdan gələn cümə axşamı günü İngiltərə baş naziri Tereza Mey ilə Vaşinqtonda görüşü gözlənilir.
Şərhlər