AzPolitika.info xarici KİV-ə istinadla xəbər verir ki, Donbasda vəziyyətin gərginləşməsinə görə, Ukrayna xarici işlər nazirliyi (XİN) bütün məsuliyyəti Rusiyanın üzərinə qoyur. Bu barədə məlumat yanvarın 30-da XİN-nin saytında yerləşdirilib.
Rusiya tərəfi isə bu arada qeyd edir ki, ukraynadaxili münaqişə ilə hər-hansı bağlılığı yoxdur.
«Hazırda Donbasda gərginliyin artması açıq-aydın göstərir ki, Rusiya Federasiyası Minsk razılaşması çərçivəsində üzərinə götürdüyü öhdəlikləri kobudcasına qulaqardına vurur və vəziyyətin sabitləşməsinə imkan verməmək, təhlükəsizlik və humanitar sahələrdə hər-hansı irəliləyişin qarşısını almaq niyyəti güdür» - deyə, nazirliyin bəyanatında qeyd olunur.
Ukrayna XİN «Donbasdakı təhlükəli gərginliyin dayandırılması və bölgədə humanitar fəlakətdən qaçmaq üçün Kremlə siyasi-diplomatik təzyiqin gücləndirilməsi xahişi ilə» beynəlxalq həmkarlarına müraciət göndərib.
Şərhlər