"Bakı Sığorta"nın sabiq rəhbəri komitə sədrinin məsləhətçisi təyin olundu

"Bakı Sığorta" ASC-nin İdarə Heyətinin sabiq sədri Ramil Ağayevin yeni iş yeri məlum olub.

"APA-Economics"in əldə etdiyi məlumata görə, R. Ağayev hazırda Əmlak Məsələləri Dövlət Komitəsi sədri Kərəm Həsənovun hüquq məsələləri üzrə məsləhətçisi vəzifəsində çalışır.

Qeyd edək ki, R. Ağayev ötən ilin aprel ayında "Bakı Sığorta"nı tərk edib.

R. Ağayev şirkəti tərk etdikdən sonra İdarə Heyətinin sədri vəzifəsi vakantdır. Bu vəzifəni İdarə Heyəti sədrinin müavini Ramin Məmmədov icra edir.