ATV-də yayımlanan “Özünə bax” layihəsinin siması Ruhi Əliyeva əkizlərini sünnət etdirib.

Axşam.az-ın məlumatına görə, bu haqda verilişin ötən günkü buraxılışında aparıcı Rüfət Ağayev xəbər verib. O, R.Əliyevanın canlı yayıma gecikməyinin səbəbini izah edərkən “Ruhi xanımın əkizləri bu gün müsəlman olub. Məhəmməd və Həsən təbrik edirik” deyib.

Daha sonra verilişə gələn Ruhi çox xoşbəxt olduğunu bildirib.

Qeyd edək ki, R.Əliyevanın əkizlərinin 2 yaşı olacaq. Uşaqların atası Rusiya prezidenti Vladimir Putinin dostu, milyarder İlham Rəhimovdur.