Azərbaycan kuboku uğrunda həlledici oyun keçrilib. Finalda “Qəbələ” “Neftçi” ilə qarşılaşıb. “Qəbələ” tarixində ilk dəfə olaraq kubokun finalında mübarizə aparıb. “Neftçi” isə 6-cı dəfə kubokun finalında oynayıb. Təcrübə öz sözünü deyib.
Kubokun final matçında ilk 45 dəqiqə 0-0 hesablı heç -heçə ilə başa çatıb. 52-ci dəqiqədə “Neftçi”nin heyətində Samir Nəsimov hesabı mükəmməl qolla açıb.
71-ci dəqiqədə Marat İzmayilov “Qəbələ”nin bərabərlik qolunu vurub.
Görüşün 90-cı dəqiqəsi 1-1 hesablı bərabərliklə başa çatdığından hər biri 15 dəqiqəlik olan yarım saatlıq vaxt əlavə olunub. Qalib müəyyənləşmədiyindən, kubokun sahibi penaltılardan sonra bəlli olub.
“Neftçi” matçdan sonra penaltı zərbələrindən sonra 3-2 hesablı qələbə əldə edərək tarixi ərzində 6-cı dəfə Azərbaycan kubokunun sahibi olub.
Şərhlər