Boris Kolesnikov istintaq zamanı intihar edib
Rusiya Daxili İşlər Nazirliyinin antikorrupsiya idarəsinin keçmiş başçısının müavini general Boris Kolesnikov istintaq zamanı özünü pəncərədən ataraq öldürüb. ANS PRESS-in məlumatına görə, bu barədə Rusiya İstintaq Komitəsindən bildiriblər. Komitə təmsilçisi Vladimir Markin bildirib ki, fevralda həbs edilmiş Kolesnikov intihar edib.
O, vəzifədən sui-istifadə etməyə və cinayət qruplaşması yaratmağa görə günahlandırılır. İstintaqın məlumatına görə, general indiyə kimi iki dəfə intihar etmək istəyib.
İstintaqın versiyasına görə, o, keçmiş rəisi general-leytenant Denis Suqrobovla birlikdə fəaliyyət göstərib. Məhkəmədə qeyd edilib ki, 2013-cü ilin noyabr ayından 2014-cü ilin fevral ayına kimi cinayətkar qruplaşma 1 ağır cinayət törədib.
Amma Kolesnikov bu ittihamları qəbul etməyib.
Şərhlər