AzPolitika.info xarici KİV-ə istinadla xəbər verir ki, NATO-nun Baş katibi Yens Stoltenberq Amerika Birləşmiş Ştatlarının (ABŞ) Əfqanıstan üzrə yeni hərbi strategiyasını bəyənib.
Bu barədə Şimali Atalantika Alyansının saytında xəbər verilir.
Stoltenberq qeyd edib ki, NATO-nun gələcək fəaliyyətinin ABŞ müdafiə naziri Ceyms Mettislə və alyansın digər müttəfiqləri ilə müzakirə olunacağını səbirsizliklə gözləyir.
Bundan əvvəl xəbər verilmişdi ki, ABŞ Prezidenti Donald Tramp Əfqanıstana əlavə olaraq daha 4 min əsgərin göndərilməsi barədə əmr imzalayıb.
Hazırda NATO-nun Əfqanıstandakı hərbi kontingenti 12 min əsgəri əhatə edir. Stoltenberqin sözlərinə görə, ABŞ-dan savayı daha 15 ölkə Əfqanıstana öz hərbçisini göndərməyə hazırdır.
Şərhlər