Beynəlxalq Olimpiya Komitəsi (BOK) Parisi və Los-Ancelesi 2024 və 2028-ci illərdə Yay Olimpiya Oyunlarının təşkilatçıları kimi bəyan edib.
Trend-in məlumatına görə, ev sahibləri BOK-un Limada keçirilən 131-ci sessiyasında təyin olunub.
Qərar yekdilliklə qəbul olunub. Oyunların paytaxtlarını BOK-un prezidenti Tomas Bax elan edib. Bu şəhərlər Paralimpiya Oyunlarınıda ev sahibliyi edəcəklər.
Qeyd edək ki, hər iki şəhər Olimpiya Oyunlarını artıq 3-cü dəfə keçirəcək. Fransanın paytaxtı Olimpiya Oyunlarına 1900 və 1924-cü illərdə, Los-Anceles isə 1932 və 1984-cü illərdə ev sahibliyi ediblər. Növbəti Yay Olimpiya Oyunları 2020-ci ildə Tokioda keçiriləcək.
Şərhlər