Qadın voleybolçulardan ibarət İtaliya millisi bu gün Bakıya gələcək. Apasport.az saytının məlumatına görə, Apennin təmsilçisi Avro-2017-yə hazırlığını Azərbaycan yığması ilə birgə keçirəcək.
Davide Matsantinin yetirmələri paytaxtımızda hazırlıqla yanaşı, komandamızla yoxlama görüşü də keçirəcək. Onlar sentyabrın 19-da isə ölkəmizdən ayrılacaq. İtaliyalılar Avro-2017-nin qrup oyunlarını keçirmək üçün Tiflisə yollanacaqlar.
Qeyd edək ki, sentyabrın əvvəlində Azərbaycan millisi də İtaliyada hazırlıq keçmişdi. Komandamız rəqibi ilə 3 yoxlama görüşündə də qüvvəsini sınamışdı.
Şərhlər