Böyük Britaniya polisi London metrosundakı hadisəni rəsmi olaraq terror hücumu kimi qəbul edib.
"Report" "RİA Novosti"yə istinadən xəbər verir ki, hadisə yerinə terrorla mübarizə polisləri gəlib.
Ərazidə mobil qərargah yaradılıb.
Öz növbəsində, Böyük Britaniya baş nazirinin ofisinin rəsmi nümayəndəsi deyib ki, Tereza Mey insidentlə bağlı müntəzəm qaydada yenilənmiş məlumatlar alır.
* * *
London metrosunda baş verən partlayış zamanı çoxlu sayda insan müxtəlif yanıq xəsarətləri alıb.
APA-nın “Daily Mail”-ə istinadən verdiyi xəbərə görə, hadisə zamanı ən az 20 nəfərin yaralandığı deyilir.
Partlayışla əlaqədar əraziyə 58 yanğınsöndürən briqadası cəlb edilib.
Hadisənin terror olduğu ehtimal edilir.
* * *
Londonda metroda partlayış baş verib.
APA-nın xəbərinə görə, bu barədə “Reuters” məlumat yayıb.
“Sun” qəzetinin yazdığına görə isə partlayış qatarlardan birində baş verib. Bir neçə nəfərin yanıq xəsarəti aldığı bildirilir.
Polis hadisəni təsdiqləsə də, təfərrüatlar açıqlanmır. “Biz metronun "Parsons-Qrin” stansiyasında insident olması barədə məlumatlıyıq. Əməkdaşlarımız hadisə yerindədirlər”, - deyə, polisdən bildirilib.
[gallery size="full" ids="354120,354121,354163,354164,354165,354166"]
Şərhlər