Baş Prokurorluqdan yeni korrupsiya açıqlaması - Yarım milyon manatlıq yeyinti

İyunun 25-də Baş Prokurorluq rəsmi məlumat yayıb. Məlumatda deyilir:

- Dövlət büdcəsindən ayrılmış vəsaitlərdən təyinatı üzrə istifadə edilməməsi barədə Kənd Təsərrüfatı Nazirliyindən daxil olmuş material Korrupsiyaya Qarşı Mübarizə Baş İdarəsində araşdırılıb. Araşdırmalar zamanı İmişli rayonunun Aranlı və Qaragüvəndikli inzibati ərazi dairəsi üzrə nümayəndəliklərin və yerli bələdiyyələrin vəzifəli şəxslərinin rəsmi sənədlərə kənd sakinlərinin guya buğda əkmələri barədə bilə-bilə yalan məlumatlar daxil etdiyi, dövlət büdcəsindən ayrılmış yardımın 447 min manatını mənimsədiyi və israf etdiyi bilinib.

Fakt Cinayət Məcəlləsinin 179.3.2 (mənimsəmə və ya israf etmə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə araşdırılır.