Hərbçilər Ali Baş Komandanının əmrini gözlədiklərini bildirib
Bu gün Silahlı Qüvvələr Günü münasibətilə Qusarda bayram şənliyi keçirilib.
ANS PRESS-in məlumatına görə, tədbirin girişində Azərbaycan şəhidləri və Heydər Əliyevin xatirəsini 1 dəqiqəlik sükutla yad ediblər.
Bundan sonra hərbçilər hərbi yürüş ediblər. Daha sonra hərbçilər Heydər Əliyev Mərkəzini və onun abidəsini yad ediblər.
Tədbirdə iştirak edən Qusar rayon N saylı hərbi hissənin komandiri Oruc Abdullayev ANS PRESS-in bölgə müxbirinə bildirib ki, ordumuz günü-gündən inkişaf edir.
“Biz heç vaxt torpaqlarımızn işğal olunması ilə barışmamışıq. Ali Baş Komandanının əmrini gözləyirik. Biz hər zaman döyüşə başlamağa hazırıq”, - deyə Oruc Abdullayev bildirib.
Daha sonra tədbirdə təntənəli şəkildə Azərbaycan bayrağı ucaldılıb. Tədbir hərbçilərimiz bacarıqlarını nümayiş etdirməklə davam edib.
Şərhlər