Mətbuat Şurasının (MŞ) “Reket jurnalistika”ya qarşı mübarizə Komissiyasının iclası keçirilib. Şuradan APA-ya verilən məlumata görə, iclasda çıxış edən MŞ sədri, millət vəkili Əflatun Amaşov bildirib ki, Şuranın “qara siyahı”sına daxil edilmiş informasiya vasitələri yenidən xoşagəlməz fəaliyyətlərini davam etdirib.
Şura sədri deyib ki, bu cür mənfi tendensiyalar ciddi hüquqi ölçü tədbiri götürülməsini zəruriləşdirir.
“Reket jurnalistika”ya qarşı mübarizə Komissiyasının sədri, “İki sahil” qəzetinin baş redaktoru Vüqar Rəhimzadə deyib ki, rəhbərlik etdiyi komissiyaya Şuranın Şikayətlər üzrə Komissiyası tərəfindən təqdim edilmiş 9 rəydə 9 KİV-in adının “qara siyahı”ya salınması nəzərdə tutulub. Bunlar “Obyektiv.org” saytı, “Korrupsiyaya yox” qəzeti, “Aztoday.az” saytı, “Dövrün nəbzi” (dovrunnebzi.com) informasiya portalı, “Dünyapress.com” saytı, “Nia.az” saytı, “Reallıq.info” saytı, “Qanunxəbər” İnformasiya Agentliyi (“Qanunxeber.az” saytına) və “Xalqınsesi.com” saytıdır.
Müzakirələrin gedişində bildirilib ki, “Reket jurnalistika”ya qarşı mübarizə Komissiyasının fəaliyyətini gücləndirməsi vacibdir. Qeyd olunub ki, xüsusən də qurumun tərkibində hüquq-mühafizə orqanlarının təmsilçilərinin olmaları mövcud sahədə daha intensiv işin aparılmasına kömək göstərəcək.
Müzakirələrdən sonra adları çəkilən KİV-lərin adlarının MŞ-nin “qara siyahı”sına daxil edilməsinə dair rəy çıxarılıb.
Bu istiqamətdə yekun qərar Şuranın İdarə Heyəti tərəfindən veriləcək.
Şərhlər
"Reket jurnalistikası" məfhumu yoxdur."Reket" sözü hansısa zor tətbiq etmə,qorxutma kimi başa düşülür ki,belə səlahiyyət sahibləri,əsasən ,polislər,hüquq-mühafizə orqanları və icra məmurlarıdır.Jurnalistikada kimisə tənqid yolu ilə təhdid etmək və müqabilində,guya,kimdənsə rüşvət tələb etmək kimi səviyyəsizlik elementləri ola bilir.Özünü müdafiə üçün isə məhkəmə var,qanunların köməyi ilə şantajçını cəzalandırmaq yolu var. Jurnalistlər,adətən, ogurluq və rüşvət yolu ilə var-dövlət yıganları hədəf seçirlər..
"Obyektiv"," Reallıq" və "Korrupsiyya yox" KİV-lərin qara siyahiyə salınması tam zamanın tələbinə uyğundur.Çünki bunlar lazım deyil,bəzi qara işləri ağardırlar.Bu elə adlarından bəllidir.Axı Obyektiv olmaq olmaz,Reallığı açıq göstərmək olmaz,Korrupsiyaya yox isə zamanın gedişinə ziddir.